Травеньскі турнір. Адкрытае Першынство Беларусі 2023

Травеньскі турнір. Адкрытае Першынство Беларусі 2023

У суботу 20 траўня 2023 года прайшоў Травеньскі турнір па рынга, ён жа Адкрытае Першынство Беларусі па рынга. Спаборніцтвы адбыліся ў трох дысцыплінах: мужчынскія адзінкі, жаночыя адзінкі і мужчынскія двойкі. Не абышлося без нечаканасцяў, у жаночай частцы 2-е месца заняла юная Кужэлева Злата, а на 3-е месца прэтэндавалі адразу тры ўдзельніцы і набралі роўную колькасць перамог: Кацярына Дрэмлюг, Лобка Ганна і Абражэвіч Анастасія. Паводле дадатковых паказчыкаў усё ж вышэй за іншых размясцілася Кацярына. Невялікай нечаканасцю для ўдзельнікаў таксама стала выдатнае выступленне Герасімовіча Арцёма: 3-е месца ў адзінках і 1-е месца з Чудуком Паўлам у двойках. Выдатны вынік!

flame.by — яшчэ адзін спартыўны магазін пачаў прадаваць кольцы рынга

Кольцы рынга ў магазіне flame.by

У Беларусі з’явіўся яшчэ адзін спартыўны магазін, які прадае кольцы рынга — гэта flame.by. Афіцыйная назва магазіна — “Цэнтр спартыўнага забеспячэння”. Размяшчаецца ён ў Гродна. Ажыцяўляе дастаўку па Беларусі. Кольцы, што тут прадаюцца, хоць і не тыя, каторымі гуляюць на буйных міжнародных турнірах, але даволі якасныя, крыху цвердаватыя, затое доўга «жывуць» і добра падыходзяць для тых, хто толькі пачынае гуляць.

Кантакты магазіна:

вэб-сайт: flame.by
тэл.: +375 (29) 824-44-55, +375 (29) 114-44-55, +375 (15) 268-12-22
e-mail: ooocsooo@mail.ru
адрас: вул. Лелявеля, 46, г. Гродна, Беларусь

I этап Чэмпіянату Беларусі па рынга імя Валянціны Астроўскай 2023

I этап Чэмпіянату Беларусі па рынга імя Валянціны Астроўскай 2023

У суботу 8 красавіка 2023 года адбыўся I этап Чэмпіянату Беларусі па рынга імя Валянціны Астроўскай. Катэгорыя была змяшаныя тройкі. Вельмі прыемна, што на ім можна было пабачыць шмат новых імён. Барацьба, эмоцыі, камандны дух, нечаканасці — ўсё было на гэтым турніры!

XX Мінскі турнір па рынга 2022

Прызёры дысцыпліны Мужчынскія адзінкі

Прызёры дысцыпліны Жаночыя адзінкі

Фотаагляд XX Мінскага турніру па рынга 2022

У суботу 5 лістапада 2022 года адбыўся XX Мінскі турнір па рынга. На жаль, ужо другі года запар на ім бралі ўдзел толькі гульцы Беларусі. Турнір падарыў аматарам рынга шмат эмоцый, пазітыву, і, канешне, не абышлося без нечаканасцяў.

XIX Мінскі турнір па рынга 2021

Прызёры дысцыпліны Двойкі

Прызёры дысцыпліны Адзінкі

Фотаагляд XIX Мінскага турніру па рынга 2021

У суботу 12 снежня 2021 года адбыўся XIX Мінскі турнір па рынга. На жаль, праз аб’ектыўныя абставіны на ім удзельнічалі толькі гульцы адной краіны, Беларусі. Але негледзячы на гэта, амаль усе гульні былі відовішчнымі і напружанымі, ніхто не хацеў саступаць у барацьбе.